XiTorque ISP Suite

Kaise use karen

Register se le kar pehla bill likhne tak, in kadmon par chalen.

  1. Register karen

    Register page par ISP ka naam, apna naam, phone aur email likhen. Aap ki darkhwast humein mil jati he.

  2. Email se account activate karen

    Approve hone par aap ki email par link aata he. Link khol kar apna password set karen, phir usi email aur password se login karen.

  3. Packages banayen

    Menu me Packages khol kar apne plans likhen, jese 5 Mbps aur 10 Mbps, un ki qeemat ke saath.

  4. Customers shamil karen

    Users tab me ek ek karke add karen, ya purani list Excel (CSV) se ek saath import karen. Menu me Users Excel (CSV) me ye option he.

  5. Payment likhen

    Payments tab me customer chun kar payment darj karen. Customer paid ho jata he aur reports khud update hoti hen.

  6. Staff ko login den

    Menu me Staff access (login) se recovery wale aur technician ka login banayen. Wo staff.xitorque.com par apne phone se login karte hen aur sirf apna kaam dekhte hen.

  7. Complaints sambhalen

    Complaints tab me complaint likhen, technician ko dein aur theek hone par band karen.

  8. Din ka hisaab dekhen

    Reports aur kharche me mahine ka hisaab dekhen. Din ke aakhir me Daily closing se rozana ki wasooli milayen.

  9. Customers ko app den

    Customer ki detail se uska login banayen. Wo my.xitorque.com par apna package aur payment record dekh sakta he aur complaint bhej sakta he.

Phone par app ki tarah rakhen. Chrome me app kholen, menu me Add to Home screen dabayen. Phir ye normal app ki tarah khulega.

Password bhool gaye? Admin se naya link mangwayen. Staff ya customer ho to apne ISP owner se naya password banwayen.